 |
Homenaxe 2 |
ogalego@galicia.com |
 |
O INCIO 31 de xaneiro de 2009: Homenaxe a Don Ángel (2ª parte)
Xa no pavillón do Colexio Ricardo Gasset do Incio esperaban ás 2h máis de 225 persoas (32 familiares ) que foron sentando por afinidades mentres a banda de Paradela interpretaba varios temas. E mentres se colocaban xa ían picando algo de chourizo e empanada. Na mesa da presidencia o irmán Manuel, as cuñadas Lina e Pilar, Laura Celeiro e os representantes das parroquias e do Concello. Había xente de moitos sitios. Estaban representados os tres partidos políticos do Concello: o PP (en representación do Señor Alcalde que non puido asistir o Tenente Alcalde Daniel Arias Jato, que estivo na mesa presidencial), o PSOE (Laura Celeiro, José Carlos Pereiro Vázquez, o senador Luís Ángel Lago), o BNG (Cosme Eladio Pombo, Delegado provincial, o portavoz Emilio Moscoso Rodríguez e a concelleira María Gallego Macedal). Como a el lle gustaría.
E comezaron a circular pratos de polbo no seu punto, e un moi rico pan da Pobra e viño mencía. Todo moi abondoso. Cando a xente se fartou de polbo, apareceron as fontes de carne ao caldeiro con patacas, tamén moi rica. E de sobremesa biscoito con requeixo. E non podía faltar o café. Talmente como os xantares da mata que outro amigo do Incio, Ánxel Fole, dicía que empezaban ás doce e acababan ás cinco. Pero a organización estaba en todo. Trouxeron un vídeo para proxectar unha retrospectiva de fotos do homenaxeado con música de fondo. Tamén mereceron o aplauso dos presentes.
E nova sorpresa, un equipo de son completo con animador incluído. E a xente coreou as cantigas. E comezou o baile. E volveu a banda. Toda unha festa como a el lle gustaba. Vese que os organizadores coñecían ben os seus gustos.
E alá polas seis da tarde a xente foise despedindo, gardando unha grata lembranza do que foi o seu cura e amigo. A memoria de Anxo, o cura do Incio, de Don Ángel non podía ter mellor homenaxe.
Agora, calquera que visite a Igrexa do Hospital pode ver que por alí pasou un cura que deixou na xente unha fonda pegada que o tempo vai tardar en borrar.
A comida: todos iguais, en harmonía, aquí non hai nomes para as fotos
 |
 |
 |
 |
 |
 |
 |
 |
 |
 |
 |
 |
 |
 |
 |
 |
Fotos: Bernardino González |
Velaquí a crónica que se recolle no blog Terras do Incio:
Ainda non eran as doce da maña, cando o adrio e os arredores da Igrexa de Hospital comenzaron a ateigarse de veciños, amigos e familiares de Anxo, que desafíando a invernía, non querían perderse por nada a homenaxe ó “cura do Incio”.
Ás doce e cuarto, puntualmente, comezou a misa na Igrexa de San Pedro Fiz de Hospital oficiada polo Vicario da Pastoral D. Luis Manuel Rodríguez Pérez xunto co párroco do Incio D. Manuel. Ó longo da ceremonia houbo moitos eloxios á memoria de Anxo González, así como un saúdo do Bispo de Lugo, trasladado polo Vicario da Pastoral, dado que por motivos de axenda D. Alfonso Carrasco Rouco non nos puido acompañar na homenaxe.
A banda de Paradela interpretando o Himno de Galicia deu paso ás intervencións curtas pero con moito sentimento, de (Laura Celeiro) Presidenta da Asociación Veciñal e Cultural “Terras do Incio”, os veciños das parroquias de Hospital (Jesús Parada), San Pedro (Carlos González), Santa Cruz do Incio (Luis López) e Santa Eulalia de Trascastro (Carmen Armesto), tamén interviron Álvaro Rodríguez, autor do busto e Anxo o sobriño e afillado do homenaxeado, cerrando a rolda de intervencións, o Presidente da Deputación de Lugo, D.Xosé Ramón Gómez Besteiro.
Co busto xa descuberto, as mulleres da Ferrería entonaron a canción da “Rianxeira”, tal como lle gustaría a Anxo.
Posteriormente no Colexio Ricardo Gasset de “O Incio” tivo lugar unha comida, na que non faltou o polbo a carne ó caldeiro e o queixo con mel.
A banda de Paradela tocou unhas pezas máis, e tamén Paco da Ferrería, se animou a tocar as cancións que máis lle gustaban a Anxo. A festa continou ata ben entrada a tarde.